بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

وانیہ ، ہانیہ نام رکھنا


سوال

وانیا نسیم، ہانیا سمروج،  یہ نام رکھ سکتے ہیں  یا نہیں ؟اور ان دونوں نامو ں کے کیا معنی ہیں ؟

جواب

 لفظ "وانیا" درست نہیں ، یہ لفظ اصل میں  "وانیہ"  ہے، عربی زبان کا  لفظ ہے جس کا مادہ " ونی "ہے، جس کے درج ذیل معانی آتے ہیں:

1-       سُست                                                                  2-        لاغر جسم                                              3-        ہلکی خوش گوار خوشبو۔   (  دیکھیے: القاموس الوحید: مادة:ونی، ص:1902، ط۔ ادارہ اسلامیات) 

 تیسرے معنی کے اعتبار سے بچی  کا نام" وانیہ "  رکھنے میں  حرج نہیں، تاہم دیگر معانی مناسب نہیں ہیں؛ لہٰذا معنی کے لحاظ سے یہ نام اچھا نہیں ہے؛  اس لیے اس کے بجائے کوئی اچھا بامعنی نام  یا کسی صحابیہ رضی اللہ عنہا کے نام پر نام رکھ لیں۔

"ہانیا" نام بھی  "ہ " کے ساتھ  "ہانیہ "ہے، ''ہانیہ''عربی زبان کالفظ ہے،اس کامعنی ہے:پُرمسرت،خوش دلی،خوش حالی،یہ نام رکھاجاسکتا ہے۔ تاہم "سمروج" کا معنی کسی مستند عربی یا اردو لغت میں نہیں مل سکا، لہٰذا  "سمروج" کے لاحقے کے بغیر صرف "ہانیہ" نام رکھ لیا جائے۔

فقط واللہ اعلم


فتوی نمبر : 144212201085

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں