بِسْمِ اللَّهِ الرَّحْمَنِ الرَّحِيم

23 شوال 1443ھ 25 مئی 2022 ء

دارالافتاء

 

والدین کے ترکہ کی تقسیم


سوال

ہمارے والدین کا انتقال ہوگیا ہے ،والدین کے والدین پہلے انتقال کر گئے تھے ،ورثاء میں ہم چار بھائی اور دو بہنیں ہیں  والد کی جائیداد میں ایک مکان تھا جس کو ہم سب نے مل ایک کروڑ پچاس لاکھ روپے میں  فروخت کیا ہے،شریعت کے حساب سے کس کا کتنا حصہ بنتاہے رہنمائی فرمادیں؟

جواب

صورت مسئولہ میں مرحوم کے ترکہ کی تقسیم کا شرعی طریقہ یہ ہے کہ کل ترکہ میں سے سب سے پہلے ان کی تجہیز و تکفین کے اخراجات نکالے جائیں، اس کے بعد اگر ان پر کوئی قرضہ ہو تو اسے ادا کیا جائے،پھر اگر انہوں نے کوئی جائز وصیت کی ہو تو باقی ماندہ ترکہ کے ایک تہائی سے اسے نافذکیا جائے، اس کے بعد باقی  جائیداد منقولہ وغیر منقولہ کے10 حصے بناکر مرحوم کے ہر بیٹے کو 2 حصے اور ہر بیٹی کو ایک حصہ ملے گا۔ 

صورت تقسیم یہ ہے:

میت 10

بیٹابیٹابیٹابیٹابیٹیبیٹی
222211

یعنی ایک کروڑ 50 لاکھ روپے میں سے ہر بیٹے کو 30 لاکھ روپے اور ہر بیٹی کو 15 لاکھ روپے ملیں گے۔ 

فقط واللہ اعلم


فتوی نمبر : 144304100636

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں