سوال

 آج سے کئی سال قبل میرے والدین کی طلاق ہوچکی تھی، اور میں والدہ کے ساتھ رہتا تھا، تاہم صلہ رحمی کی نیت سے والد اور ددھیال سے بھی تعلق قائم رکھتا تھا، جب کہ ننھیال والے ددھیال سے تعلق رکھنے کو سخت ناپسند کرتے تھے،  تقریباً آٹھ ماہ قبل والد صاحب اور ددھیال والوں نے میری شادی کروا دی،  شادی کے بعد سے والدہ نہ مجھ سے ملنا پسند کرتی ہیں اور نہ ہی بات چیت رکھتی ہیں، حالاں کہ میں نے متعدد بار رابطے اور صلح کی کوشش کی، مگر کامیابی نہ ہوئی، بلکہ کئی مرتبہ وہ مجھے بددعائیں بھی دے چکی ہیں،  میں اپنی استطاعت کے مطابق والدہ کی مالی معاونت بھی کرتا ہوں، ایسی صورت میں میرا سوال یہ ہے کہ کیا میں شرعاً گناہگار یا نافرمان شمار ہوتا ہوں؟ کیا والدہ کی بددعائیں میرے حق میں مؤثر ہو سکتی ہیں؟ اور کیا مجھے مکافاتِ عمل کا اندیشہ ہونا چاہیے؟ اس معاملے میں دل میں مسلسل خوف رہتا ہے، براہِ کرم شریعت کی روشنی میں میری راہنمائی فرمائیں۔

جواب

واضح رہے کہ شریعت کے مطابق اولاد پر والدین کی اطاعت لازم ہے، لہٰذا اگر وہ کسی کام کو کرنے کا حکم دیں  اور وہ کام  شرعا جائز ہو ،آدمی اس کو کرنے کی طاقت رکھتا ہو اور اس سے دُوسروں کے حقوق تلف نہ ہوتے ہوں تو ان کے حکم کی تعمیل ضروری ہے۔

لہٰذا صورتِ مسئولہ میں اگر سائل کی والدہ سائل کے اپنے والد اور ددھیال والوں سے تعلق رکھنے کی بناء پر ناراض ہیں، بات چیت نہیں کرتیں، بد دعائیں دیتی ہیں اور سائل سے بھی اس کا مطالبہ کرتی ہیں تو  اس معاملہ میں  سائل کے ذمہ والدہ کی اطاعت لازم نہیں اور اس وجہ سے والدہ کا ناراض ہونا اور بات چیت نہ کرنابھی درست نہیں،  اور چوں کہ  سائل   اپنی والدہ کے ساتھ معاملہ درست رکھنے کی پوری کوشش اور مالی معاونت بھی کررہا ہے،  تو وہ نافرمان و گناہ گار نہیں ہوگا، البتہ  ان کے لیے خوب دعاؤں کا اہتمام کرے اور  ہر اس عمل سے اجتناب کرے جو والدہ کے لیےتکلیف کا باعث بنے۔

سنن ابن ماجہ میں ہے: