سوال

کیا بیٹا ماں کے سر میں تیل کنگھی اور ٹانگوں پر تیل سے مالش کر سکتا ہے عمر 70 سال ہے ماں کی۔

جواب

عام حالات میں بیٹے کے لیے اپنی والدہ کی جسمانی خدمت کرنا (مثلًا ہاتھ، پیر، کاندھا وغیرہ دبانا یا سر پر مالش  کرنا) جائز ہے، بشرطیکہ بیٹا والدہ کی ستر کی جگہوں (مثلًا سینہ اور ران وغیرہ ) کو نہ چھوئے۔ البتہ اگر کسی جگہ ماں بیٹے کے خاص احوال کی وجہ سے اور قرائن و شواہد کی بنیاد پر  فتنہ کا  امکان ہو تو اس صورت میں بیٹے کے لیے والدہ کی جسمانی خدمت کرنا جائز نہیں ہوگا۔

فتاوی شامی میں ہے:

"(وما حل نظره) مما مر من ذكر أو أنثى (حل لمسه) إذا أمن الشهوة على نفسه وعليها؛ «لأنه عليه الصلاة والسلام كان يقبّل رأس فاطمة»، و قال عليه الصلاة والسلام: «من قبّل رجل أمّه فكأنّما قبّل عتبة الجنة»، و إن لم يأمن ذلك أو شكّ، فلايحلّ له النظر والمسّ، كشف الحقائق لابن سلطان والمجتبى (إلا من أجنبية) فلايحلّ مسّ وجهها وكفّها وإن أمن الشهوة؛ لأنه أغلظ، ولذا تثبت به حرمة المصاهرة، وهذا في الشابة."

(جلد۶، ص:۳۶۷، ط: سعید)

فقط واللہ اعلم