ایک شخص مر گیا غیر شادی شدہ، اس نے ماں، ایک بھائی، 2 بہنوں کو شادی شدہ چھوڑ ، متوفی کے پاس زرعی اراضی تھی، اب سب کا مالک کون ہو گا؟
صورتِ مسئولہ میں مرحوم کے ترکہ/ میراث کی تقسیم کا شرعی طریقہ یہ ہے کہ سب سے پہلےمرحوم کے حقوقِ متقدمہ یعنی تجہیز و تکفین کا خرچہ نکالنے کے بعد، اگر اس کے ذمہ کسی کا کوئی قرض ہو تو اسے ادا کرنے کے بعد، اگر اسنے کوئی جائز وصیت کی ہو تو اسے ایک تہائی مال میں سے نافذ کرنے کے بعد، باقی کل جائیداد منقولہ وغیر منقولہکو 24حصوں میں تقسیم کر کے مرحوم کی والدہ کو اس میں سے 4 حصے اور بھائی کو 10 حصے اور ہر ایک بہن کو5/5 حصے ملیں گے۔
میت :۲۴
والدہ | بھائی | بہن | بہن |
۴ | ۱۰ | ۵ | ۵ |
یعنی فیصد کے اعتبار سے ۱۰۰ روپے میں سے16.66 مرحوم کی والدہ کو ،41.66 بھائی کو ، اور 20.83 روپے ہر ایک بہن کو ملیں گے۔
فقط واللہ اعلم
فتوی نمبر : 144508102183
دارالافتاء : جامعہ علوم اسلامیہ علامہ محمد یوسف بنوری ٹاؤن