سوال

 باپ کا انتقال ہوا ہے، ورثاء میں 3 بیٹے اور 7 بیٹیاں ہیں، کس کو کتنا حصہ ملے گا؟

جواب

صورتِ مسئولہ میں مرحوم کے ترکے کی تقسیم کا شرعی طریقہ یہ ہے کہ سب سے پہلے مرحوم کی کل جائیداد میں سے مرحوم کی تجہیز و تکفین کا خرچہ نکالنے کے بعد، اگر مرحوم کے ذمہ کوئی قرض ہو تو اس کی ادائیگی کے بعد، اگر مرحوم نے کوئی جائز وصیت کی ہو تو اسے ایک تہائی ترکہ میں سے نافذ کرنے کے بعد بقیہ کل جائیداد منقولہ و غیر منقولہ کو13 حصوں میں تقسیم کر کے اس میں سے دو، دو حصے مرحوم کے ہر ایک بیٹے کو اور ایک، ایک حصہ مرحوم کی ہر ایک بیٹی کو دیا جائے گا۔

فیصد کے اعتبار سے 100 فیصد میں سے (تقریبًا)  15.384فیصد مرحوم کے ہر ایک بیٹے کو اور (تقریبًا) 7.692 فیصد مرحوم کی ہر ایک بیٹی کو ملیں گے۔فقط واللہ اعلم