آج کے دور میں ویڈیو گیمز کا رجحان بہت ہے، کیا ویڈیو گیمز کھیل سکتے ہیں؟
ویڈیو گیم جس میں جانداروں کی تصویریں ہوں، یا موسیقی یا جوا ہو، اس کا کھیلنا جائز نہیں ہے۔
مشكاة المصابيح میں ہے:
"وعن عائشة عن النبي صلى الله عليه وسلم قال: "أشد الناس عذاباً يوم القيامة الذين يضاهون بخلق الله."
( باب التصاویر،ج:2،ص:385، ط: قدیمي)
ترجمہ:" حضرت عائشہ ؓ ، رسول کریمﷺ سے روایت کرتی ہیں کہ آپ ﷺ نے فرمایا: قیامت کے دن سب لوگوں سے زیادہ سخت عذاب ان لوگوں کو ہوگا جو تخلیق میں اللہ تعالیٰ کی مشابہت اختیار کرتے ہیں۔"
(مظاہر حق جدید (4/229) ط: دارالاشاعت)
وفیہ ایضاً:
"عن عبد الله بن مسعود قال: سمعت رسول الله صلى الله عليه وسلم يقول: «أشد الناس عذاباً عند الله المصورون»."
( باب التصاویر،ج:2،ص:385، ط: قدیمي)
ترجمہ:" حضرت عبداللہ بن مسعودؓ کہتے ہیں کہ میں نے رسول کریمﷺ کویہ فرماتے ہوئے سنا کہ اللہ تعالیٰ کے ہاں سخت ترین عذاب کا مستوجب، مصور (تصویر بنانے والا)ہے۔"
(مظاہر حق جدید (4/230) ط: دارالاشاعت)
وفیہ ایضاً:
"عن ابن عباس قال: سمعت رسول الله صلى الله عليه وسلم يقول: «كل مصور في النار يجعل له بكل صورة صورها نفسا فيعذبه في جهنم."
( باب التصاویر،ج:2،ص:385، ط: قدیمي)
ترجمہ:" حضرت ابن عباسؓ کہتے ہیں کہ میں نے رسول کریم ﷺ کو یہ فرماتے ہوئے سنا کہ ہر مصور دوزخ میں ڈالا جائے گا، اور اس کی بنائی ہوئی ہر تصویر کے بدلے ایک شخص پیدا کیا جائے گا جو تصویر بنانے والے کو دوزخ میں عذاب دیتا رہے گا۔"
(مظاہر حق جدید(4/230) ط: دارالاشاعت)
فقط واللہ تعالی اعلم
فتوی نمبر : 144508100435
دارالافتاء : جامعہ علوم اسلامیہ علامہ محمد یوسف بنوری ٹاؤن