عشان نام کے معنی کیا ہیں؟ یہ نام رکھنا چاہیے؟
عربی زبان میں ’’عشن‘‘ کا معنی "اپنی طرف سے کوئی بات کرنا" ہے،"عشّان" (شین کی تشدید کے ساتھ) کا معنی : کھجور کا درخت ہے،"عُشانه"(عین کے پیش کے ساتھ) کا معنی بچی ہوئی کھجوریں ہیں، "عِشان" (عین کے زیر کے ساتھ) اس وزن کا استعمال اور معنی معلوم نہیں ہوسکا، یہ نام نہ رکھنا بہتر ہے،شریعت کی تعلیم یہ ہے کہ بچوں کے نام انبیاءکرام علیھم السلام /صحابہ کرام رضی اللہ عنہم اجمعین /یا نیک لوگوں کے ناموں پر رکھے جائیں ،یا کوئی بھی اچھے معنی والانام رکھاجائے۔ایسے نام رکھنا باعث برکت ہے، اور اچھے ناموں کے اچھے اثرات ہوتے ہیں۔
تہذیب اللغۃ میں ہے:
"عشن: أبو عبيد عن الفراء: عَشَن برأيه و اعتشَنَ، إذا قال برأيه."
(باب العين،ج:1،ص:275،ط:دارالإحياء التراث العربي)
تکملۃ المعاجم میں ہے:
"عشن: عَشَّان: النخل البري."
(حرف العين،ج:7،ص:217،ط:وزارة الثقافة والإعلام)
فقط والله اعلم
فتوی نمبر : 144504101087
دارالافتاء : جامعہ علوم اسلامیہ علامہ محمد یوسف بنوری ٹاؤن