سوال

لفظ عروہ اور ارویٰ ان دونوں الفاظ کے معنی اور مناسبت کیا ہے؟ تفصیل چاہیے، نیز اپنی بیٹی کے لئے ان میں سےکون سا نام درست رہے گا؟ میں نے اپنی بیٹی کا نام( ارویٰ گل )رکھا ہے، کیا یہ درست ہے؟

جواب

1.’’عُرْوَه‘‘ کے معنی ہیں:  قابلِ اعتماد چیز ، حلقہ، ذریعہ اتحاد، یہ نام صحابہ کرام رضی اللہ عنہم اور تابعینِ کرام رحمہم اللہ کے ناموں میں سے بھی ہے، یعنی مردوں کے ناموں میں سے ہے۔

2. أَرْوٰى (ہمزہ پر زبر، راء پر جزم اور واو پر کھڑا زبر پڑھا جائے گا) کا معنی ہے: خوب رُو،  حضرت عثمان رضی اللہ عنہ کی والدہ اور کئی صحابیات رضی اللہ عنہن کا نام ’’ ارویٰ‘‘  تھا، اس نسبت سے اچھا نام ہے، لڑکی کا نام رکھ سکتے ہیں، لہذا آپ نے جو نام رکھا ہے ’’ارویٰ گل‘‘ وہ درست ہے۔

دیکھئے: (الإصابة في تمييز الصحابة:كتاب النساء، حرف الألف (8/ 7، 8، 9)، ط. دار الكتب العلمية - بيروت، الطبعة  الأولى : 1415 هـ)

فقط واللہ اعلم