عمر یا محمد عمر نام رکھنا کیسا ہے جب کہ لوگوں کا یہ تصور ہے کہ عمر نام جلالی ہے؟
’’عمر ‘‘ جلیل القدر صحابی، خلیفہ ثانی حضرت عمر فاروق رضی اللہ تعالیٰ کا نام ہے، یہ نام رکھنا درست اور باعثِ برکت ہے، پھر عمومی طورپر ناموں سے پہلے برکت سعادت کے لیے ’’محمد‘‘ لگایاجاتاہے، اس لیے علماء نے ناموں کے آداب میں سے ایک ادب یہ بھی لکھا ہے ناموں کی ابتدا میں ’’محمد‘‘ کاسابقہ لگانا چاہیے، لہذا ’’محمد عمر‘‘ نام رکھنا اچھا ہے، صرف ’’عمر‘‘ نام رکھنے میں بھی کوئی حرج نہیں،باقی یہ تصور کہ عمر نام جلالی ہے ،اس وجہ سے یہ نام نہیں رکھنا چاہیے درست نہیں ہے۔ فقط واللہ اعلم
فتوی نمبر : 144211200369
دارالافتاء : جامعہ علوم اسلامیہ علامہ محمد یوسف بنوری ٹاؤن