اگر شوہر کہے کہ : "اگر تم نے یہ کام کیا تو میں تمہیں نہیں رکھوں گا "، کیا اس سے طلاق واقع ہو جاتی ہے؟
شوہر کا اپنے بیوی سے یہ کہنا کہ: "اگر تم نے یہ کام کیا تو میں تمہیں نہیں رکھوں گا" یہ الفاظ مستقبل میں بیوی کو نہ رکھنے کی دھمکی ہے، لہذا ان الفاظ سے بیوی پر کوئی طلاق واقع نہیں ہوئی اور نہ ہی جس کام سے منع کیا ہے اس کام کے کرنے سے طلاق واقع ہوگی، البتہ شوہر کو اس طرح کے الفاظ استعمال کرنے سے اجتناب کرنا چاہیے۔ فقط واللہ اعلم
فتوی نمبر : 144205200385
دارالافتاء : جامعہ علوم اسلامیہ علامہ محمد یوسف بنوری ٹاؤن