سوال

سائلہ حمل کےو قت بیمار تھی تو اس سائلہ کے شوہر نے کہا تم اس حمل کو ضائع کرو اگر حمل کو ضائع  نہیں کرو گی تو تو مجھ پر طلاق ہے طلاق ہے طلاق ہے،اس سائلہ نے حمل ضائع نہیں کیا اور بچی بھی پیدا ہوگئی تو اس پر طلاق واقع ہوگی یا نہیں ؟کتنی طلاقیں واقع ہوں گی؟

جواب

صورت مسئولہ میں جب سائلہ کے شوہر نے سائلہ کو یہ کہا کہ ’’تم اس حمل کو ضائع کرو اگر حمل کو ضائع  نہیں کرو گی تو تو مجھ پر طلاق ہے طلاق ہے طلاق ہےــ‘‘ تو  ان الفاظ سے سائلہ کی تینوں طلاقیں  شرط پر معلق ہوگئیں تھیں ،اس کے بعد جب  سائلہ نے حمل ضائع نہیں کیا اور بچہ کی پیدائش ہوگئی تو  شرط پائی جانے کی وجہ سے  سائلہ پر تینوں طلاقیں واقع ہوگئیں ہیں،سائلہ  اپنے شوہر  پر حرمت مغلظہ کے ساتھ حرام ہوگئی ہے، اب رجوع جائز نہیں، نکاح ختم ہوگیا ہے۔