سوال

متوفيہ /مورثہ: والدہ،  ترکہ : 50 مرلہ ، ورثاء: تین بیٹے اور دو بیٹیاں ہیں۔ ان سب بہن بھائیوں کو کتنا کتنا حصہ ملے گا؟

جواب

مرحومہ کی جائیداد میں سے اولاً اگر کوئی قرضہ ہو تو اس کو ادا کیا جائے گا، پھر اگر مرحومہ نے کوئی وصیت کی ہو تو اس کو ایک تہائی میں سے نافذ کیا جائے گا، اس کے بعد مرحومہ کی کل جائیداد منقولہ و غیر منقولہ کو آٹھ حصوں میں تقسیم کیا جائے گا ، ہر بیٹے کو دو دو حصے اور ہر بیٹی کو ایک ایک حصہ دیا جائے گا۔

یعنی اگر مرحومہ نے پچاس مرلہ زمین چھوڑی ہے تو ساڑھے بارہ مرلہ ہر ایک بیٹے کو اور سوا چھ مرلہ ہر ایک بیٹی کو ملے گا۔

مذکورہ تقسیم اس صورت میں ہے جب مرحومہ کے والدین اور شوہر میں سے کوئی زندہ نہ ہو، اگر ان میں سے کوئی زندہ ہو تو تقسیم مختلف ہو گی۔فقط واللہ اعلم