سوال

تعویذ  لکھ کر دینا جائز ہے یا نہیں؟  اگر جائز ہے تو کچھ وضاحت فرما دیں!

جواب

تعویذ کے شرعًا جائز ہونے کے لیے تین شرائط ہیں:

1- کسی جائز مقصد کے لیے ہو، ناجائز مقصد کے لیے ہرگز نہ ہو۔

2- اس کو مؤثر بالذات نہیں سمجھا جائے، بلکہ اللہ تعالیٰ کی ذات کو ہی مؤثر حقیقی سمجھا جائے۔

3- وہ تعویذ قرآن و حدیث یا اللہ تعالیٰ کے اسماء و صفات پر مشتمل ہو، یا عربی یا کسی اور زبان کے ایسے الفاظ پر مشتمل ہو جن میں کفر و شرک یا گناہ کی بات نہ ہو اور ان کا مفہوم بھی معلوم ہو۔

اگر مذکورہ شرائط نہ پائی جائیں تو پھر تعویذ کرنا اور پہننا شرعًا ناجائز ہوگا۔ فقط واللہ اعلم