بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

تراویح کی چند رکعتیں فوت ہوجائیں تو وتر کے بعد اُنہیں کیسے ادا کریں اور کون سی سورت پڑھنی چاہیے؟


سوال

تراویح  کی  چند رکعتیں فوت ہوجائیں تو  وتر کے بعد اُنہیں کیسے ادا کریں اور کون سی سورت پڑھناچاہیے؟

جواب

 تراویح  کي  فوت شدہ رکعات  کو وتر کے بعد (صبح صادق سے پہلے پہلے) اسی طریقہ پر ادا  کیا جائے گا، جس  طريقه پر عام نوافل ادا کی جاتی ہیں، نیز ان فوت شدہ رکعات کے  لیے کوئی سورت  متعین نہیں، کوئی بھی سورت  ان فوت شدہ  رکعات میں پڑھی جاسکتی ہے۔ 

الدر المختار میں ہے:

"(و وقتها بعد صلاة العشاء) إلى الفجر (قبل الوتر وبعده) في الأصح، فلو فاته بعضها، وقام الإمام إلى الوتر أوتر معه، ثم صلى ما فاته."

(الدر المختار: كتاب الصلاة، باب الوتر والنوافل (2/ 44)،ط. دار الفكر، سنة النشر 1386، مكان النشر بيروت)

فقط واللہ اعلم


فتوی نمبر : 144209200079

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں