سوال

میرے والد محترم کے انتقال  کے وقت ترکہ میں ایک پلاٹ قیمت سات لاکھ  پچاس ہزار  روپے، نقد  رقم بمعہ بنک اکاؤنٹ  پچاس ہزار روپے، کاروبار ایک لاکھ پچاس ہزار روپے، ایک موٹرسائیکل  قیمت پچیس ہزار روپے۔

اب ہم لوگ 3بھائی اور 1 بہن اور 1 ہماری والدہ محترمہ ہیں۔ اس سب  میں رقم  کی تقسیم کیسے ہو گی؟

جواب

صورتِ  مسئولہ  میں آپ کے والد مرحوم کے حقوقِ متقدمہ (یعنی تجہیزوتکفین کے اخراجات،قرض کی ادائیگی اور اگر وصیت کی ہوتو ایک تہائی مال میں وصیت نافذ کرنے)کے بعد  باقی   کل ترکہ  کو آٹھ حصوں میں تقسیم کیا جائے گا، جس میں سے 

مرحوم کی بیوہ (آپ کی والدہ) کو ایک حصہ 

مرحوم کے ہر بیٹے (یعنی ہر بھائی) کو دو، دو حصے 

مرحوم کی بیٹی (یعنی آپ کی بہن) کو ایک حصہ دیا جائے گا۔

یعنی ہر سو روپے میں سے 12.5 روپے بیوہ کو ، 25،25 روپے ہر بیٹے کو اور 12.5 روپے بیٹی کو ملیں گے۔فقط واللہ اعلم