عرض ہے کہ 11 کنال زمین 4 بھائیوں اور ایک بہن میں کیسے تقسیم ہوگی؟ رہنمائی فرمایئے
صورت مسئولہ میں مرحوم کے ترکہ کی تقسیم کا شرعی طریقہ یہ ہے کہ کل ترکہ میں سے سب سے پہلے ان کی تجہیز و تکفین کے اخراجات نکالے جائیں، اس کے بعد اگر ان پر کوئی قرضہ ہو تو اسے ادا کیا جائے،پھر اگر انہوں نے کوئی جائز وصیت کی ہو تو باقی ماندہ ترکہ کے ایک تہائی سے اسے نافذکیا جائے، اس کے بعد باقی جائیداد منقولہ وغیر منقولہ کے9 حصے بناکر مرحوم کے ہر بھائی کو 2 حصے اور بہن کو ایک حصہ ملے گا۔
صورتِ تقسیم یہ ہے:
میت 9
بھائی | بھائی | بھائی | بھائی | بہن |
2 | 2 | 2 | 2 | 1 |
یعنی فیصد کے اعتبار سے ہر بھائی کو 22.22 فیصد اور بہن کو 11.11 فیصد ملے گا۔
فقط واللہ اعلم
فتوی نمبر : 144307100427
دارالافتاء : جامعہ علوم اسلامیہ علامہ محمد یوسف بنوری ٹاؤن