سوال

ہمارے والد صاحب کا انتقال ہوا۔ اس کے بعد ہماری والدہ کا بھی انتقال ہوگیا۔ والدِ مرحوم کا ایک مکان تھا، جسے ہم نے فروخت کر دیا ہے۔ ہم کل چار بھائی اور دو بہنیں ہیں۔

سوال یہ ہے کہ مذکورہ مکان کی فروخت سے حاصل ہونے والی رقم ہمارے درمیان کیسے تقسیم ہوگی؟ اور کس کو کتنا کتنا حصہ ملے گا؟

جواب

صورتِ مسئولہ میں مرحوم والدین کا ترکہ  تقسیم کرنے کا شرعی طریقہ یہ ہے کہ سب سے پہلے مرحوم کے حقوقِ متقدمہ یعنی تجہیز و تکفین کے اخراجات نکالنے کے بعد، اگر مرحوم کے ذمّہ کوئی قرض ہو تو کل ترکہ سے اس کی ادائیگی کے بعد، اور اگر مرحوم نے کوئی جائز وصیت کی ہو تو اس کو باقی مال کے ایک تہائی سے نافذ کرنے کے بعد باقی ترکہ منقولہ و غیر منقولہ کو 10 حصّوں میں تقسیم کرکے دو دو حصّے ہر ایک بیٹے کو اور ایک ایک حصّہ ہر ایک بیٹی کو ملے گا۔ صورتِ تقسیم یہ ہے:

میت:10

یعنی متروکہ مکان کی فروخت سے حاصل ہونے والی رقم میں سے فیصد کے اعتبار سے %20 ہر ایک بیٹے کو اور %10 ہر ایک بیٹی کو ملیں گے۔

فقط واللہ اعلم