سوال

ایک شخص کا انتقال ہوا، اس کے ورثاء میں تین بیٹے اور ایک بیٹی ہے، جب کہ مرحوم کی بیوی اور والدین کا انتقال اس کی زندگی میں ہی ہوگیا تھا۔

مرحوم کے ترکہ میں 6 ایکڑ زمین ہے۔ تو سوال یہ ہے کہ مذکورہ ورثاء کے درمیان اس کی تقسیم کیسے ہوگی؟

جواب

صورتِ مسئولہ میں مرحوم کے ترکہ کو ان کے مذکورہ ورثاء کے درمیان تقسیم کرنے کا شرعی طریقہ یہ ہے کہ سب سے پہلے مرحوم کے حقوقِ متقدمہ یعنی کل ترکہ میں سےتجہیز و تکفین کے اخراجات نکالنے کے بعد، اگر مرحوم کےذمّہ کوئی قرض ہو تو کل ترکہ سے اس کی ادائیگی کےبعد،اور اگر مرحوم نےکوئی جائز وصیت کی ہو تو باقی مال کےایک تہائی سے اسے نافذ کرنےکے بعد باقی  ماندہ ترکہ منقولہ و غیر منقولہ کو 7 حصّوں میں تقسیم کرکے 2/2 حصّے مرحوم کے ہر ایک بیٹے کو، اور  ایک حصّہ بیٹی کو ملےگا۔ صورتِ تقسیم یہ ہے:

میت:7

یعنی چھ ایکڑ کی زمین میں سے 28.57 فیصد حصّہ (یا مذکورہ زمین فروخت کرنے کی صورت میں اس کے بقدر رقم) مرحوم کے ہر ایک بیٹے کو، اور 14.28 فیصد حصّہ اس کے بقدر رقم اس کی بیٹی کو ملے گا۔

فقط واللہ اعلم