سوال

میرے والد کا انتقال ہوگیا ہے اور والدہ کا انتقال ان سے پہلے ہوگیا تھا،اور ان کے انتقال کے وقت ان کے والدین بھی زندہ نہیں تھے،ان کی وراثت میں ایک مکان تھا،یہ مکان ہم نے بیس لاکھ روپے میں میں بیچ دیا ہے،اور ان کے ورثاء میں ایک بیٹا اور تین بیٹیاں ہیں،یہ ترکہ مرحوم کے ورثاء میں کیسے تقسیم ہوگا؟

جواب

صورت مسئولہ میں مرحوم کا  ترکہ تقسیم کرنے کا طریقہ یہ ہے کہ سب سے پہلے  مرحوم کے حقوقِ متقدمہ یعنی تجہیزوتکفین کاخرچہ نکالنےکےبعد،اگر  مرحوم پر کوئی قرضہ ہو اس کو کل ترکہ سے ادا کرنے کے بعد، اگرمرحوم نے کوئی جائز وصیت کی ہو  اس کو  ایک تہائی ترکہ سے نافذ کرنےکے بعد،باقی  کل ترکہ منقولہ و غیر منقولہ کو(5) حصوں میں تقسیم  کرکے(دو)حصے مرحوم کے بیٹے کو،اور(ایک،ایک)حصہ مرحوم کی ہر ایک بیٹی کو ملے گا۔

صورت تقسیم یہ ہے:

میت:5

یعنی بیس لاکھ روپے میں سے آٹھ  لاکھ روپے مرحوم کے بیٹے کو،اور چار چار لاکھ  روپے مرحوم کی ہر ایک بیٹی کو ملیں گے۔

فقط واللہ اعلم