سوال

اگر ایک بے اولاد شخص مر جائے تو اس کی جائیداد کس کے نام جاۓ گی ؟اس کی ایک بیوی ہے اور ایک بھائی،  اک بہن ہے اور کوئی  نہیں ہے؟

جواب

صورت مسئولہ میں مرحوم کی جائیداد ان کے شرعی ورثاء میں ان کے شرعی حصوں کے بقدر تقسیم ہوگی اور تقسیم ہونے کے بعد  ہر وارث اپنا حصہ اپنے نام کرسکتا ہے ۔

تقسیم کا طریقہ یہ ہے کہ سب سے پہلے مرحوم کے حقوق متقدمہ یعنی تجہیز وتکفین کے اخراجات نکالے جائیں  ،اگر مرحوم کے ذمہ کوئی قرض ہو تو اسے کل مال سے ادا کیا جائے  اور اگر مرحوم نے کوئی جائز وصیت کی ہو تو اسے بقیہ مال کے ایک تہائی سے نافذ کرنے کے بعد کل ترکہ منقولہ وغیر منقولہ کو 4 حصوں میں تقسیم کرکے مرحوم کی بیوہ کو 1 حصہ اور بھائی کو 2 حصے اور بہن کو ایک حصہ ملے گا ۔

صورت تقسیم یہ ہے :

میت۔۔۔4

فیصد کے اعتبار سے مرحوم کی بیوہ کو 25 فیصد اور بھائی کو 50فیصد اور بہن کو 25 فیصد ملے گا ۔فقط واللہ اعلم