سوال

 بندہ کے دادا نے ایک عدد مکان بطور میراث چھوڑا ہے، ورثاء میں والد صاحب کو ملا کر 4 بھائی ہیں اور 3 پھوپھیاں ہیں، البتہ ایک پھوپھی کا انتقال دادا، دادی کے انتقال کے بعد ہوا ہے، مکان 77000000  میں فروخت ہوا ہے، شریعت مطہرہ کے مطابق اس رقم کی ورثاء میں تقسیم کیسے ہوگی؟ براہ کرم رہنمائی فرمائیں!

جواب

صورت  مسئولہ میں دادا مرحوم کے ترکہ کی تقسیم کا شرعی طریقہ یہ ہے کہ سب سے پہلے مرحوم کے حقوق  متقدمہ یعنی تجہیز وتکفین کے اخراجات نکالنے کے بعد ،اگر مرحوم کے ذمہ  کوئی قرض ہو تو اسے کل مال  سے ادا کرنے کے بعد ،اگر مرحوم کے ذمہ کوئی قرض ہو تو اسے بقیہ مال کے ایک تہائی سے نافذ کرنے کے بعد کل ترکہ منقولہ وغیر منقولہ کو  11 حصوں میں تقسیم کرکے   مرحوم کے ہر بیٹے کو 2 حصے اور ہر ایک بیٹی کو ایک حصہ ملے گا ۔

صورت تقسیم یہ ہے :

میت۔۔۔11

77000000روپے میں سے مرحوم کے ہر ایک بیٹے کو 14000000روپے اور 7000000روپے ہر ایک بیٹی کو ملیں گے ۔

باقی جس بیٹی کا انتقال دادا،دادی کے بعد ہوا ہے ،اس کے ورثاء کی تفصیل لکھ کر سوال دوبارہ ارسال کریں ۔

فقط واللہ اعلم