سوال

اگر شوہر کسی کو یہ کہے کہ میں نے اگر فلاں کام کیا تو میری بیوی کو طلاق پھر شوہر وہ کام کر لیتا ہے تو بیوی کو طلاق ہو گی یا نہیں؟

جواب

صورتِ  مسئولہ میں اگر  واقعتًا کہیں ایسا ہوا ہو، یعنی: شوہر نے بیوی کی طلاق کو کسی کام کے کرنے کے ساتھ معلق کیا ہو کہ :اگر میں فلاں کام کروں تو میری بیوی کو طلاق، (جب کہ یہ الفاظ کہتے وقت وہ شادی شدہ ہو اور بیوی اس کے نکاح میں موجود ہو) تو  کام کرنے کی صورت میں  جتنی طلاقوں کو معلق کیا ہو  اتنی طلاقیں واقع ہوجائیں گی۔ فقط واللہ اعلم