سعدان نام کا معنی اور رکھنے کا حکم؟
"سَعْدَان"(حرف ’’س‘‘ کے زبر کے ساتھ) اس کے معنی ہیں: کھجور کے درخت کے کانٹے۔ ایک خار دار پودا جو گھنی چراگاہ میں ہوتا ہے۔ ایک خاص قسم کا پودا۔ سعادت خوش بختی۔ آخری معانی کے اعتبار سے مذکورہ نام رکھنا درست ہے۔
اور "سُعْدَان " (حرف ’’س‘‘ کے پیش کے ساتھ )اس کے معنی ہیں: میں خدا تعالیٰ کی پاکی بیان کرتا ہوں اور اس کی اطاعت کرتا ہوں۔یہ نام رکھاجاسکتاہے۔
(مصباح اللغات ،ص:361-362)
تاج العروس من جواھر القاموس میں ہے:
"( و ) سُعْدان ، ( كسُبْحَانَ : اسمٌ للإِسْعَادِ ، و ) يقال : ( سُبْحَانَهُ وسُعْدَانَهُ ، أَي أُسَبَّحُهُ وأُطِيعُهُ ) ، ما سُمِّيَ التسبيح بِسُبْحَانَ ، وهُمَا عَلَمَانِ كعُثْمانَ ولُقْمانَ".
(فصل السين، ج:8، ص:201، ط:دار الهداية، ودار إحياء التراث وغيرهما)
فقط واللہ اعلم
فتوی نمبر : 144502100509
دارالافتاء : جامعہ علوم اسلامیہ علامہ محمد یوسف بنوری ٹاؤن