سوال

میری بیوی سے اولاد نہیں ہو رہی،  اب اس کی  بھی رضامندی ہے کہ میں  دوسری شادی کروں، پر مسئلہ یہ ہے کہ میرا کہیں دل نہیں مانتا اور  جہاں تھوڑا دل مطمئن ہے  وہ میری  سالی ہے، جو میرے  سسسر  کی دوسری بیوی کی بیٹی ہے اور  میں اپنی پہلی بیوی کو بھی چھوڑ نہیں سکتا ، بس اسی الجھن میں ہوں کہ کیا اسلام میں صرف سگی  سالی سے نکاح حرام ہے یا سوتیلی  سالی  سے بھی حرام ہے؟ 

جواب

بیوی کے عقدِ  نکاح  میں موجود  ہوتے  ہوئے سگی یا سوتیلی سالی   کے ساتھ نکاح کرنا جائز نہیں۔

  قرآنِ مجید میں ہے:

{وَأَنْ تَجْمَعُوا بَيْنَ الْأُخْتَيْنِ إِلَّا مَا قَدْسَلَفَ}[النساء : 24]

ترجمہ: اور  یہ  کہ  (حرام ہے تم پر کہ)  تم   دو بہنوں کو  (رضاعی  ہوں  یا  نسبی)  ایک  ساتھ  رکھو، لیکن  جو   (قرآن  کا حکم آنے سے) پہلے ہوچکا۔

الفتاوى الهندية (1/ 277)

"(وأما الجمع بين ذوات الأرحام) فإنه لايجمع بين أختين بنكاح ولا بوطء بملك يمين سواء كانتا أختين من النسب أو من الرضاع هكذا في السراج الوهاج. والأصل أن كل امرأتين لو صورنا إحداهما من أي جانب ذكرا؛ لم يجز النكاح بينهما برضاع أو نسب لم يجز الجمع بينهما هكذا في المحيط".

فقط واللہ اعلم