بِسْمِ اللَّهِ الرَّحْمَنِ الرَّحِيم

14 ذو الحجة 1445ھ 21 جون 2024 ء

دارالافتاء

 

صرف 6 تولہ سونا ہوتو زکات کا حکم


سوال

ایک عورت  کے  پاس  6  تولہ  سونا ہے،  نقد خرچے کے  لیے کبھی ہوتا ہے  کبھی نہیں، کیا اس پر  زکات واجب ہے ؟

جواب

اگر  مذکورہ عورت  کی ملکیت میں صرف اور  صرف چھ تولہ سونا ہی ہو، اس کے  علاوہ ضرورت سے  زائد  چاندی یا نقدی یا مالِ تجارت میں سے کچھ بھی نہ ہو، تو سونے  کا نصاب مکمل نہ ہونے کی وجہ سے اس پر  زکات واجب نہیں ہوگی۔ جو رقم ضروری خرچے میں صرف ہوجاتی ہے، اسے شمار نہیں کیا جائے گا۔

ہاں اگر کسی وقت ضرورت سے زائد رقم بھی چھ تولہ سونے کے ساتھ جمع ہوگئی (خواہ معمولی ہی کیوں نہ ہو) اس وقت یہ خاتون صاحبِ نصاب بن جائے گی، اور سال پورا ہونے پر بھی صاحبِ نصاب رہی تو اس پر زکات واجب ہوگی۔  فقط واللہ  اعلم 


فتوی نمبر : 144206201598

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں