سوال

شوہر نے بیوی کو کہا:  اگر تو نے فلاں آدمی سے بات کی تو نکاح ختم ہو جائے گا"  تو اب بیوی اگر اس عورت سے بات کرے تو نکاح ختم ہوگا یا نہیں اور کتنی طلاق واقع ہوگی؟

جواب

 شوہر نے جب بیوی کو  یہ الفاظ کہے"   اگر تو نے فلاں آدمی سے بات کی تو نکاح ختم ہو جائے گا" تو اگر ان الفاظ کو ادا کرتے وقت شوہر  نے  طلاق کی نیت کی تھی تو ان الفاظ سے بیوی  کی طلاق مذکورہ شخص سے بات کرنے پر معلق ہو گئی ، اگر بیوی اس شخص سے بات کرے گی تو ایک طلاقِ بائن  واقع ہو جائے گی  اور نکاح ختم ہوجائے گا۔اور اگر شوہر کی طلاق کی نیت نہیں تھی تو طلاق واقع نہیں ہوگی۔

طلاق واقع ہو جانے کی صورت میں میاں بیوی اگر دوبارہ ساتھ رہنا چاہتے ہوں تو  نئے مہر کے ساتھ شرعی گواہاں کی موجودگی میں دوبارہ  نکاح کر سکتے ہیں اور آئندہ کے لیے شوہر کے پاس دو طلاقوں کا اختیار ہو گا۔

الفتاوى الهندية (1/ 375):

"و لو قال لها: لا نكاح بيني وبينك، أو قال: لم يبق بيني وبينك نكاح، يقع الطلاق إذا نوى."

فقط واللہ اعلم