سوال

مرحومہ کو  زمین والد کی وراثت سے ملی تھی،  مرحومہ کی صرف ایک اکلوتی بیٹی،  شوہر،  ماں اور ایک  بھائی ہے،  تیس کنال زمین کی وراثتی تقسیم کیسے ہو گی؟

جواب

بصورتِ مسئولہ مرحومہ کی جائیداد کی تقسیم کا طریقہ یہ ہے کہ کل جائیداد منقولہ و غیر منقولہ کو ( بعد از ادائے قرضہ جات اور اگر کوئی وصیت کی ہو تو تہائی مال میں وصیت نافذ کرنے کے بعد) بارہ  حصوں میں تقسیم کرکے تین حصے شوہر کو  اور  دو حصے والدہ کو، اور چھ حصے بیٹی کو  اور باقی ماندہ ایک حصہ بھائی کو ملے گا۔

فیصد کے اعتبار سےسو (100) روپے میں سے پچیس (25) روپے شوہر کو، اور  16.66روپے والدہ کو، اور پچاس (50) روپے بیٹی کو،  8.33 روپے بھائی کو ملیں گے۔ فقط واللہ اعلم