سوال

بیوی صاحبِ  نصاب ہے،  لیکن شوہر صاحبِ  نصاب نہیں ہے تو  کیا شوہر کو  زکاۃ دینا جائز ہے؟

جواب

اگر کسی شخص کی بیوی صاحبِ نصاب ہو  اور وہ خود مستحقِ زکاۃ ہو تو اسے زکاۃ دی جاسکتی ہے، البتہ بیوی کے لیے اپنی زکاۃ شوہر کو دینا جائز نہیں ہے۔

مستحقِ زکاۃ ہونے کا مطلب یہ ہے کہ اس شخص کی ملکیت میں ضرورت و استعمال سے زائد کسی بھی قسم کا اتنا مال یا سامان موجود نہ ہو جس کی مالیت ساڑھے باون تولہ چاندی کی قیمت تک پہنچے اور وہ سید/ عباسی نہ ہو۔ فقط واللہ اعلم