خاتون کی وفات کے بعد ان کے ورثاء میں کون کون ہوں گے؟ جب کہ بقیدِ حیات رشتہ داروں میں شوہر، دو بیٹیاں اور دو بہنیں موجود ہیں اور ان میں ترکہ کی تقسیم کی صورت کیا ہوگی؟
صورتِ مسئولہ میں مذکورہ خاتون کا ترکہ اس کے شوہر، دو بیٹیوں اور دو بہنوں میں تقسیم ہوگا۔
مرحومہ کی میراث کی تقسیم کا شرعی طریقہ یہ ہے کہمرحومہ کے حقوقِ متقدمہ یعنی تجہیز و تکفین کا خرچہ نکالنے کے بعد ، اگر مرحوم کے ذمہ کوئی قرض ہو اسے ادا کرنے کے بعد،اگر مرحوم نے کوئی جائز وصیت کی ہو تو اسے ایک تہائی ترکہ میں سے نافذ کرنے کے بعد، باقی کل ترکہ کو 24 حصوں میں تقسیم کرکے، 6 حصے شوہر کو، 8 حصے ہر ایک بیٹی کو اور ایک ایک حصہ ہر ایک بہن کو ملے گا۔
یعنی 100 روپے میں سے25 روپے مرحومہ کے شوہر کو، 33.33 روپے ہر ایک بیٹی کو اور 4.16 روپےہر ایک بہن کو ملیں گے۔ فقط واللہ اعلم
فتوی نمبر : 144202200128
دارالافتاء : جامعہ علوم اسلامیہ علامہ محمد یوسف بنوری ٹاؤن