صورتِ مسئولہ میں شوہر کے یہ الفاظ ”ہم میاں بیوی نہیں ہیں،بلکہ ہم محبوب اور محبوبہ ہیں یا یہ کہ ہم عاشق معشوق ہیں“ کہنے سے بیوی پر کوئی طلاق واقع نہیں ہوئی ہے؛کیوں کہ اس جملے کا پہلا حصہ”ہم میاں بیوی نہیں ہیں“ کنائی الفاظ میں سے ہے،اور اس سے طلاق واقع ہونے کے لئے نیت کی شرط ہے،جب کہ یہاں شوہر طلاق کی نیت کا انکار کررہا ہے۔نیز اس جملے کا دوسرا حصہ”بلکہ ہم محبوب اور محبوبہ ہیں یا یہ کہ ہم عاشق معشوق ہیں“ بھی طلاق کی نیت نہ ہونے پر دلالت کررہا ہے،تاہم ایسا جملہ محبت میں استعمال کرناکہ ہم میاں بیوی نہیں ہیں، بلکہ ہم محبوب ومحبوبہ ہیں،میاں بیوی کے حقیقی مقام سے ناواقفیت اور نادانی ہے؛کیوں کہ اسلام میں حقیقی اور دائمی محبت تو میاں بیوی میں ہونی چاہیے،عاشق معشوق والی محبت وقتی ہے اور اس میں جائز اور ناجائز دونوں صورتیں شامل ہیں،لہٰذا ایسا جملہ استعمال کرنے سے گریز کرنا چاہیے۔

فتاوی عالمگیری میں ہے: