اللہ کے فضل و کرم سے ہمارا بیٹا پیدا ہوا ہے، شہویز حسین خان اور صائم حسین خان میں کون سا نام بہتر ہے؟
"شہویز اور شاہ ویز "کا معنی مختلف لغات میں تلاش کے باوجود ہمیں نہیں ملا،یہ نام رکھنا درست نہیں ،"صائم" کے معنی ’’رکنے والا‘‘ اور ’’بچنےوالا‘‘ کے آتے ہیں، روزہ دار کو بھی ’’صائم‘‘ کہتے ہیں؛ کیوں کہ وہ روزہ کے دوران کھانے، پینے اور ازدواجی تعلق قائم کرنےسے رکا رہتا ہے۔ اس معنیٰ کے اعتبار سے "صائم حسین خان " نام رکھنا درست ہے ۔
القاموس المحیط میں ہے :
"صام صوما وصياما واصطام: أمسك عن الطعام والشراب والكلام والنكاح والسير، وهو صائم وصومان وصوم.
ج: صوام وصيام وصوم وصيم وصيم وصيام وصيامى."
(فصل الصاد،ص:۱۱۳۱،مؤسسۃ الرسالۃ)
فقط واللہ اعلم
فتوی نمبر : 144309100524
دارالافتاء : جامعہ علوم اسلامیہ علامہ محمد یوسف بنوری ٹاؤن