اسی طرح نکاح ایک عبادت ہےاورسنت مؤکدہ ہے،شریعت نے نکاح کےلیے جو شرائط مقرر کی ہیں وہ معروف ہیں،نکاح کرنے کےلیے کسی نئی شرط یا مالی جرمانہ کو لازم کرنا شرعاً درست نہیں ہے، نیز نکاح کوئی جرم نہیں کہ اس پر کوئی جرمانہ مقرر کیا جائے۔

لہذا صورتِ مسئولہ میں  کسی شخص یا اس کے اہل خانہ پر شادی کرنے کی صورت میں ان پر کمیٹی کی طرف سے پانچ ہزار روپے  لازم کرنا جائز نہیں ہے، اس شخص سے اس کی رضامندی اور طیب ِ نفس کے بغیر مال لینا شرعاً جائز نہیں ہے اور مالی جرمانہ لینا شرعا ناجائز ہے،البتہ نکاح پڑھانے کی فیس وصول کرنا جائز ہے، اسی طرح طلب کیے بغیر اگر کوئی اپنی رضامندی سے مسجد میں حسب سہولت کچھ رقم دے دےتو یہ ثواب کا باعث ہے۔

مشکاۃ المصابیح میں ہے:

"وعن أبي حرة الرقاشي عن عمه قال: قال رسول الله صلى الله عليه وسلم: «ألا تظلموا ألا لا يحل مال امرئ إلا ‌بطيب ‌نفس ‌منه». رواه البيهقي في شعب الإيمان."

(‌‌باب الغصب والعارية،ج:2،ص:889،ط:المكتب الإسلامي - بيروت)

سنن ابی داؤد میں ہے:

"عن عمر بن الخطاب، قال: سمعت رسول الله صلى الله عليه وسلم يقول: «‌من ‌بنى ‌مسجدا يذكر فيه اسم الله، بنى الله له بيتا في الجنة»."

(كتاب المساجد والجماعات، باب من بنى لله مسجدا، ج:1، ص:243، ط: دار إحياء الكتب العربية)

فتاوی شامی میں ہے:

"(لا بأخذ مال في المذهب) بحر...وفي المجتبى أنه كان في ابتداء الإسلام ثم نسخ.

لا يجوز لأحد من المسلمين أخذ مال أحد بغير سبب شرعي...وفي شرح الآثار: التعزير بالمال كان في ابتداء الإسلام ثم نسخ. اهـ."

(كتاب الحدود،‌‌باب التعزير،ج:4،ص:61،ط:سعيد)

فقط والله اعلم