بِسْمِ اللَّهِ الرَّحْمَنِ الرَّحِيم

- 27 مئی 2020 ء

دارالافتاء

 

شب براٴت حقیقت اور فضیلت


سوال

میں ایک مسلمان لڑکی ہوں اور پندرہ شعبان کی اہمیت سے متعلق جاننا چاہتی ہوں اس لیے احادیث کی روشنی میں اس دن کی اہمیت مجھے بتائیں ؟

جواب

پندرہ شعبان یا شب برات سے متعلق مختلف صحابہ کرام سے روایات مروی ہیں جن کا خلاصہ یہ ہے کہ اس رات اللہ رب العزت کی خصوصی رحمتوں کا نزول ہوتاہے، نیزاس رات کو عبادت کرنا، اس سے اگلے دن یعنی پندرہ شعبان کو روزہ رکھنا اور بغیر کسی التزام اور اہتمام کے اس رات قبرستان جاکر مرحومین کے لیے حدودشرعیہ میں رہتے ہوئے ایصال ثواب کرنا یہ سب احادیث سے ثابت ہے۔ اس لیے مروجہ بدعات سے بچتے ہوئے محض اتباع سنت نبوی صلی اللہ علیہ وسلم کے طور پر ان امورکا اہتمام حسبِ توفیق کرنا چاہیے۔

یاد رہےکہ خواتین کے لیے عام حالات میں بھی قبرستان جانا کراہت سے خالی نہیں ہے، خصوصاً موجودہ حالات میں شعبان کی پندرہویں شب میں خواتین کے لیے قبرستان جانا بالکل بھی مناسب نہیں ہے اس لیے خواتین گھروں پر رہتے ہوئے ہی ایصال ثواب کریں۔ فقط واللہ اعلم


فتوی نمبر : 143101200535

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں

ہماری ایپلی کیشن ڈاؤن لوڈ کرنے کے لیے