سوال

سحری کا وقت صبح صادق سے کتنے منٹ تک رہتا ہے، صبح صادق تک سحری کی تو سحری ہوجائے گی یا نہیں؟

جواب

سحری کا وقت صبح صادق سے پہلے پہلے تک ہے، صبح صادق ہوتے ہی سحری کا وقت ختم ہوجاتا ہے، اگر صبح صادق ہونے تک کوئی سحری کرتا رہا تو اس کا روزہ نہیں ہوگا۔ البتہ اگر صبح صادق ہونے سے ایک لمحہ پہلے بھی سحری بند کرلی تو اس کا روزہ صحیح ہوجائے گا، احتیاط کا تقاضہ یہ ہے کہ اوقاتِ نماز کے نقشوں میں صبح صادق کا جو وقت درج ہوتا ہے اس سے دو منٹ پہلے سحری بند کرلینی چاہیے۔ فقط واللہ اعلم