سوال

 مالک مکان کے پاس جمع کرائی گئی سیکورٹی کی رقم پر زکات کون ادا کرے گا؟

جواب

کرایہ داری کے معاملہ میں زرِ ضمانت کے طور پر مالک کے پاس جو رقم رکھوائی جاتی ہے وہ ابتداءً امانت ہوتی ہے اوراس کااصل مالک کرایہ دارہی ہوتا ہے، اور یہ رقم کرایہ دار کو  بعد میں واپس ملتی ہے، لہذا اس کی زکات  کرایہ دار کے ذمہ ہے، البتہ اس کی ادائیگی فوری لازم نہیں ہے، بلکہ  مذکورہ رقم کی وصولی کے بعد دینا لازم ہوگی، تاہم اگر زکات کا سال پورا ہوجائے تو وصولی سے پہلے بھی اس کی زکات ادا کرسکتے ہیں۔فقط واللہ اعلم