بِسْمِ اللَّهِ الرَّحْمَنِ الرَّحِيم

8 محرم 1446ھ 15 جولائی 2024 ء

دارالافتاء

 

ساڑھے باون تولہ چاندی کے مالک ہونے کی صورت میں قربانی کرنا واجب ہے


سوال

 میری والدہ صاحبہ کے پاس میرے والد مرحوم کی پینشن کے پیسے آتے ہیں اور وہ جمع ہوکر ساڑھے باون تولے چاندی کی قیمت تک پہنچ گئےہیں کیا اب والدہ صاحبہ اپنی طرف سے قربانی کریں گی یا   اپنے شوہر مرحوم کی طرف سے؟

جواب

صورتِ مسئولہ میں سائل کے والد مرحوم کی پینشن سائل کی والدہ کے نام پر جاری ہے تو اس پینشن کی رقم کی مالک  سائل کی والدہ ہیں، لہذا صورت مسئولہ میں   مذکورہ رقم جمع ہوتے ہوتے    چاندی کے نصاب  تک پہنچ گئی ہے   تو سائل کی والدہ پر    اپنی طرف سے قربانی کرنا شرعا واجب ہے،  اپنے مرحوم شوہر کی طرف سے قربانی کرنے سے یہ واجب ادا نہیں ہوگا،لہذا اپنی طرف سے واجب قربانی کرنے کا اہتمام کریں ۔چاہے تو نفلی قربانی شوہر کی طرف سے بھی کرسکتی ہے۔

فتاوی شامی میں ہے:

"وشرائطها: الإسلام والإقامة واليسار الذي يتعلق به) وجوب (صدقة الفطر) كما مر (لا الذكورة فتجب على الأنثى)

(قوله واليسار إلخ) بأن ملك مائتي درهم أو عرضا يساويها غير مسكنه وثياب اللبس أو متاع يحتاجه إلى أن يذبح الأضحية ولو له عقار يستغله فقيل تلزم لو قيمته نصابا، وقيل لو يدخل منه قوت سنة تلزم، وقيل قوت شهر، فمتى فضل نصاب تلزمه. ولو العقار وقفا، فإن وجب له في أيامها نصاب تلزم." 

(كتاب الأضحية، ج:6، ص:312، ط:سعيد)

فقط والله اعلم


فتوی نمبر : 144512100380

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں