سوال

کیا صدقہ فطر اپنی سالی کو دیا جاسکتا ہے؟ 

جواب

صورتِ مسئولہ میں اگر آپ کی سالی مستحقِ زکاۃ ہے (یعنی اس کی ذاتی ملکیت میں بنیادی ضرورت سے زائد اتنا مال یا سامان موجود نہ ہو جس کی قیمت ساڑھے باون تولہ چاندی کی مالیت کے برابر ہو، اور وہ ہاشمی یعنی سید، عباسی وغیرہ بھی نہیں ہے)  نیز آپ کے ان کے ساتھ مشترک منافع بھی نہیں ہیں  (یعنی کھانا پینا مشترک نہیں ہے، اور جو چیز اسے دیں گے وہ لوٹ کر آپ کے پاس نہیں آئے گی) تو آپ کا  اپنی سالی کو صدقہ فطر  دینا جائز ہے۔ فقط واللہ اعلم