سوال

سجدۂ  سہو کرنے کے بعد تشہد کہاں سے پڑھے؟ التحیات للہ ۔۔۔سے یا اللہم صل علی محمد۔۔۔سے؟

جواب

سجدہ سہو کرنے کے بعد تشہد پڑھنا لازم ہے اور تشہد سے مراد التحیات پڑھنا ہے، یعنی "التحیات للّٰه ..."سے لے کر درود شریف اور دعا سمیت؛ کیوں کہ پہلے جو التحیات پڑھی گئی تھی سجدہ سہو کرنے کی وجہ سے وہ  ساقط ہو گئی اب دوبارہ التحیات پڑھنا واجب ہو گا۔

الدر المختار وحاشية ابن عابدين (رد المحتار) (1/ 466):

"لأن سجود السهو يرفع التشهد."

الدر المختار وحاشية ابن عابدين (رد المحتار) (1/ 464):

"(قوله: فترفع التشهد) أي تبطله لأنه واجب مثلها فتجب إعادته."

فقط واللہ اعلم