صاحب ترتیب کس شخص کو کہتے ہیں؟
صاحبِ ترتیب اس شخص کو کہتے ہیں جس کے ذمہ کوئی قضا نماز نہ ہو یا پانچ یا اس سے کم قضا نمازیں اس پر لازم ہوں۔
"عمدۃ الفقہ "میں ہے :
"صاحبِ ترتیب وہ ہے جس کے ذمہ کوئی قضا نماز نہ ہو یا پانچ نمازوں تک کی قضا اس کے ذمہ ہو خواہ وہ پانچ یا اس سے کم نمازیں نئی ہوں یا پرانی ، مسلسل ہوں یا متفرق ، یا نئی پرانی مل کر ہوں اور خواہ حقیقتًا قضا ہوں یا حکمًا."
(عمدۃ الفقہ ،ج:2،ص:347 ط:ادارہ مجددیہ)
فقط واللہ اعلم
فتوی نمبر : 144407102087
دارالافتاء : جامعہ علوم اسلامیہ علامہ محمد یوسف بنوری ٹاؤن