سوال

میرے پاس ڈھائی (2.5) تولہ سونا ہے ،جو مجھے میری والدہ کی طرف سے ملا ہےاور10,000 نقد رقم بھی ہے جو کہ میں استعمال کررہی ہوں ، اس کے علاوہ میرے پاس کوئی رقم نہیں ہے۔ میں غیر شادی شدہ ہوں،اور  کوئی بھی نوکری نہیں کر تی۔تو کیا مجھ پر قربانی واجب ہوگی؟

جواب

صورتِ مسئولہ میں اگر سائلہ کے پاس 2.5 تولہ سونا ہے ، اور اس کے ساتھ ضرورت سے زائد کوئی نقدی موجود نہیں ہے ، جو رقم موجود ہے وہ روزمرہ کی ضرورت یعنی خرچ کے لیے ہے ،مستقل طور پر باقی نہیں رہتی ، اس صورت میں  سائلہ پر قربانی واجب نہیں ہوگی۔

البتہ اگر مذکورہ مقدار میں سونے کے ساتھ موجود دس ہزار روپے کی رقم روزمرہ کی ضرورت کی نہ ہو، محض استعمال کے لیے جمع کررکھی ہو اور ایام عید میں سونے کے ساتھ نقدی بھی موجود ہو تو اس صورت میں سائلہ پر قربانی واجب ہوگی۔