سوال

کیا میں اپنی سگی بہن کو زکوۃ دے سکتا ہوں جب کہ  اس کے مالی حالت ٹھیک نہ ہوں اور اس کے شوہرکے  ذرائع آمدن بھی معقول نہ ہوں؟

جواب

صورتِ مسئولہ میں اگر آپ کی  بہن مستحقِ زکات ہے، تو اس کو زکات دینا نہ صرف جائز ہے بلکہ اس میں دہرا ثواب ملتا ہے۔

مستحق ہونے کا مطلب یہ ہے کہ اس کی ملکیت میں ضرورت اور استعمال سے زائد کسی بھی قسم کا مال یا سامان اتنی مقدار میں نہیں ہے جس کی مالیت ساڑھے باون تولہ چاندی کی مالیت تک پہنچ جاتی ہے، اور آپ سید/ عباسی بھی نہیں ہیں۔

بدائع الصنائع میں ہے:

"ويجوز دفع الزكاة إلى من سوى الوالدين والمولودين من الأقارب ومن الإخوة والأخوات وغيرهم؛ لانقطاع منافع الأملاك بينهم ولهذا تقبل شهادة البعض على البعض، والله أعلم."

(کتاب الزکاۃ، فصل ركن الزكاة، ج: 2، صفحہ: 50، ط: دار الكتب العلمية)

فقط واللہ اعلم