سوال

جماعت کی نماز میں دو صفوں کے درمیان زیادہ سے زیادہ فاصلہ کتنا رکھا جا سکتا ہے گرمی اور حبس کی وجہ سے دو صفوں کے درمیان 8 سے 10 فٹ کا فاصلہ رکھا جا سکتا ہے یا نہیں۔

جواب

حضرت انس ؓ عنہ سے روایت ہے کہ نبی اکرم ﷺ نے فرمایا کہ :"پیوستہ اور سیدھی رکھواپنی صفوں کو اورنزدیکی کروان میں "۔ شارحین حدیث نے اس کی تشریح میں ذکر فرمایا یہ بھی ہے کہ دوصفوں کے بیچ میں ایک صف قائم ہونے کی جگہ نہ ہو،اس تشریح کے مطابق دوصفوں کے درمیان میں پانچ چھ فٹ سے زیادہ کا فاصلہ شرعاً درست نہیں ہے۔ فقط واللہ اعلم