روزے میں بام وغیرہ لگا سکتے ہیں؟
روزے کی حالت میں ناک سے باہر تو بام لگانے میں کوئی مضائقہ نہیں ہے، البتہ ناک کے اندر بام وغیرہ لگانے سے چوں کہ سانس کے ساتھ اس کے اجزاء وذرات اندر چلے جاتے ہیں، اس لیے روزہ کی حالت میں ناک کے اندر لگانا درست نہیں ہے، اگر نا ک کے اندر بام لگائی اور اس کے ذرات سانس کے ساتھ دماغ تک پہنچ گئے تو روزہ فاسد ہوجائے گا۔ فقط واللہ اعلم
فتوی نمبر : 144109200526
دارالافتاء : جامعہ علوم اسلامیہ علامہ محمد یوسف بنوری ٹاؤن