پشاور میں سال 2020 کے رمضان المبارک کے مہینے کے روزے کا فدیہ کتنا ہے؟ اور اس کا پتا کیسے لگے گا کہ فدیہ کتنا ہوتا ہے؟
اگر کوئی شخص اتنا بوڑھا یا ایسا بیمار ہو کہ اس کے صحیح ہونے کی امید نہ ہو تو یہ ہر روزہ کے بدلے پونے دو کلو گندم یا اس کی قیمت( جو کہ کراچی میں آج کل تقریباً 100روپے ہے) کسی مستحق شخص کو دے دے، پشاور میں اس کی قیمت معلوم کرکے یا وہاں کے کسی معتمد دار الافتاء کے جاری کردہ نصاب کے مطابق یہ رقم طے کرے، لہذا مہینہ میں جتنے روزے ہوں 29 یا 30 اتنے ہی فدیہ ادا کرنے ہوں گے۔
البتہ جو شخص وقتی بیماری کی وجہ سے روزہ رکھنے پر قادر نہ ہو، لیکن آئندہ کسی وقت صحت اور قوت کی امید ہو، اس کے لیے فدیہ دینا کافی نہیں ہوگا، بلکہ صحت حاصل ہوجانے کے بعد روزوں کی قضا کرنا لازم ہوگا۔ فقط واللہ اعلم
فتوی نمبر : 144109202226
دارالافتاء : جامعہ علوم اسلامیہ علامہ محمد یوسف بنوری ٹاؤن