میں ایک میڈیسن کمپنی میں جاب کرتا تھا لیکن ملازمت ختم ہو گئی اور 9 مہینوں سے بےروزگار ہوں ،کئی جگہ ایپلائی کیالیکن جاب نہیں مل سکی، وظائف کافی سارے کیے۔ پراپرٹی کاکام شروع کیا لیکن اس میں بھی فی الحال کامیابی نہ مل سکی، برائے مہربانی راہنمائی فرمائیں۔
روزگار کے سلسلہ میں اللہ تعالیٰ کی ذات سے مایوس نہ ہوں، پنج وقتہ نمازوں کو ان کے اوقات میں باجماعت ادا کرنے کا اہتمام کریں، استغفار کی کثرت کریں، نیز صبح کوفجر کی نماز کے بعد ستر مرتبہ پابندی سے یہ آیت پڑھا کریں، ان شاءاللہ بہتر روزگار میسر ہوگااور رزق کی تنگی سے محفوظ رہیں گے۔آیت یہ ہے:
" اَللَّهُ لَطِيفٌ بِعِبَادِهِ يَرْزُقُ مَن يَشَاء وَهُوَ الْقَوِيُّ العَزِيزُ ."( الشوری: ۱۹)
(معارف القرآن:جلد ۷ صفحہ ۶۸۷)
فقط واللہ اعلم
فتوی نمبر : 144311100043
دارالافتاء : جامعہ علوم اسلامیہ علامہ محمد یوسف بنوری ٹاؤن