روزے کی حالت میں میاں بیوی اکٹھے لیٹے ہوں اور کپڑے نہ اتارے ہوں اور شوہر اپنا نفس کپڑے کے اوپر سے ہی رگڑے تو اگر انزال ہو جائے تو اس سے روزہ ٹوٹے گا کہ نہیں؟
واضح رہے کہ روزے کی حالت میں بیوی کے ساتھ ہم بستری کرنا یا شرم گاہ سے باہر انزال کرنا بھی منع ہے، اور گناہ ہے اس سے روزہ فاسد ہوجاتا ہے ،لہذا صورت ِ مسئولہ میں شوہر پر انزال ہونے کی وجہ سے اس روزہ کی قضا لازم ہوگی ،کفارہ لازم نہیں ہوگا ، شہوت سے مغلوب ہوکر روزہ توڑنے پر مذکورہ شخص کو توبہ و استغفار کرنا چاہیے۔
فتاوی ہندیہ میں ہے :
"وإذا قبل امرأته، وأنزل فسد صومه من غير كفارة كذا في المحيط."
(کتاب الصوم ،الباب الرابع فیما یفسد وفیما لایفسد،ج:1،ص:204،دارالفکر)
فقط واللہ اعلم
فتوی نمبر : 144509101422
دارالافتاء : جامعہ علوم اسلامیہ علامہ محمد یوسف بنوری ٹاؤن