اگر روزے کی حالت میں سحری کے بعد کسی نے خواب میں زنا کیا تو اُس کا روزہ ٹوٹے گا یا نہیں ؟
صورت ِ مسئولہ میں روزہ کی حالت میں احتلام ہونے سےیا خواب میں زنا کرنے سے روزہ نہیں ٹوٹے گا ، بلکہ روزہ صحیح ہے، البتہ جتنا جلدی ہوسکے غسل کرلے ، بلاوجہ غسل میں تاخیر نہ کرے ،تاکہ روزے کا زیادہ سے زیادہ وقت پاکی میں گزرے، غسل میں اتنی تاخیر کرنا کہ نماز قضا ہوجائے گناہ ہے۔
در مختار میں ہے :
''(أو احتلم أو أنزل بنظر)۔۔۔۔۔۔ (لم يفطر)، جواب الشرط.''
( فتاوی شامی ،کتاب الصوم ،باب ما یفسد الصوم ومالا یفسدہ ،ج:2،ص:396،سعید)
فقط واللہ اعلم
فتوی نمبر : 144509101170
دارالافتاء : جامعہ علوم اسلامیہ علامہ محمد یوسف بنوری ٹاؤن
