روزے کی حالت میں بام یا وکس لگا سکتے ہیں؟
روزے کی حالت میں ناک سے باہر وکس یا کوئی دوسری بام لگانے میں کوئی مضائقہ نہیں ہے، البتہ ناک کے اندر وکس وغیرہ لگانے سے چوں کہ سانس کے ساتھ اس کے اجزاء وذرات اندر چلے جاتے ہیں، اس لیے روزہ کی حالت میں ناک کے اندر وکس لگانا درست نہیں ہے، اگر نا ک کے اندر وکس لگائی اور اس کے ذرات سانس کے ساتھ دماغ تک پہنچ گئے تو روزہ فاسد ہوجائے گا۔
باقی اگر سینے پر کوئی بام یا وکس لگایا جائے تو اس سے روزے پر کوئی اثر نہ پڑے گا۔ فقط واللہ اعلم
فتوی نمبر : 144109203285
دارالافتاء : جامعہ علوم اسلامیہ علامہ محمد یوسف بنوری ٹاؤن