سوال

روزے کی حالت میں خوشبو لگانا کیسا ہے؟

جواب

روزے کی حالت میں خوشبو استعمال کرنا جائز ہے،بشرط یہ کہ خوشبو دھویں والی نہ ہو،اگر دھویں والی خوشبو ہو اور اس  کا دھواں خود بخود حلق میں چلا جائےاس سے تو روزہ فاسدنہیں ہوتا،البتہ اگردھویں والی خوشبو ،بخور وغیرہ جلائی اور اس کو جان بوجھ کر سونگھا اور دھواں اندر چلا گیا،تو  اس سے روزہ ٹوٹ جائے گا،اور قضا لازم ہو گی،کفارہ نہیں۔

فتاوی شامی میں ہے:

"(أو دخل حلقه غبار أو ذباب أو دخان) ولو ذاكرا استحسانا لعدم إمكان التحرز عنه، ومفاده أنه لو أدخل حلقه الدخان أفطر أي دخان كان ولو عودا أو عنبرا له ذاكرا لإمكان التحرز عنه فليتنبه له كما بسطه الشرنبلالي."

(کتاب الصوم، باب ما یفسد الصوم وما لا یفسدہ، ج:2، ص:395، ط:ایچ ایم سعید)

وفیہ ایضاً:

"(قوله: أنه لو أدخل حلقه الدخان) أي بأي صورة كان الإدخال، حتى لو تبخر ببخور وآواه إلى نفسه واشتمه ذاكرا لصومه أفطر لإمكان التحرز عنه وهذا مما يغفل عنه كثير من الناس."

(کتاب الصوم، باب ما یفسد الصوم وما لا یفسدہ، ج:2، ص:395، ط:ایچ ایم سعید)

فتاوی محمودیہ میں ہے :

’’محض کسی خوش بو یا بدبو کے بے اختیار ناک میں جانے یا قصداً سونگھنے سے - خواہ علاجاً ہو یا تنشیطاً - روز فاسد نہیں ہوتا۔ اگر بتی، عطر، دوا، سب کا ایک حکم ہے، البتہ اگر بتی وغیرہ سلگا کر اس کا دھواں ناک میں پہنچانا مفسدِ صوم ہے‘‘۔ (ج۱۰ / ص۱۵۳، ط: فاروقیہ)

فقط واللہ اعلم